კომპანია “თელიანი ველი” წლის ბოლომე 20 ათასი ბოთლი “ჭაჭის” რეალიზაციას გეგმავს

კომპანია “თელიანი ველი”-ს ახალი პროდუქტი “ჭაჭა” წარმატებული აღმოჩნდა; წლის ბოლომე კომპანია 20 ათასი ბოთლი “ჭაჭის” რეალიზაციას გეგმავს, რაც გასული წლის მაჩვენებელს 2-ჯერ აღემატება; “ჭაჭა” კომპანიამ პირველად 2006 წელს ჩამოასხა და ამავე წელს დაგეგმილი 5 ათასი ბოთლის ნაცვლად, 10 ათასი ბოთლის რეალიზაცია მოახერხა; “ჭაჭას” კომაპანია ღვინის გამოხდის შედეგად აწარმოებს, რომელიც რქაწითელის ჯიშის ყურძნისგანაა დამზადებული; პროდუქტის ფასი დახლზე 22-24 ლარია; წელს კომპანიამ “ჭაჭა” პირველად ექსპორტზე აშშ-ში, უკრაინასა და ბალტიისპირეთში გაიტანა. 2007 წლის ბოლომდე ექსპორტი 5 ათას ბოთლს გაუტოლდება; “ჭაჭას” “თელიანი ველი”-ს გაყიდვებში 2% უკავია.